Qoor Qoor iyo Deni oo Cadaado tagay +SAWIRRO

402

Madaxweynaha maamulka Galmudug Maxamed Cabdi Kaariye uu wehliyo Madaxweynaha Puntland Siciid Cabdulaahi Deni ayaa goordhaw si heer sare ah loogu soo dhaweeyay magaalada Cadaado ee gobolka Galgaduud.

Wasiiro, Xildhibaano iyo qeybaha kala duwan ee bulshada ku dhaqan magaalada Cadaado ayaa soo dhaweeyay Madaxweynayaasha Galmudug iyo Puntland ee goordhaw gaaray magaalada Cadaado.

Amaanka magaalada Cadaado ayaana maanta si weyn loo adkeeyay, waxaana magaalada buux dhaafiyay masuuliyiin kala duwan oo qeyb ka ah wafdiga ay hogaaminayaan labada Madaxweyne .

Safarkan uu magaalada Cadaado ku tagay Madaxweynaha Puntland ayaa noqonaya kii ugu horeeyay uu halkaasi ku tago isaga oo Madaxweyne ah, waxaana horey maalmo kahor Cadaado u booqday Madaxweynaha Jubbaland Axmed Madoobe.