Waare oo gaaray Dhuusomareeb +SAWIRRO

529

Waxaa goordhaw magaalada Dhuusomareeb ee caasimada maamulka Galmudug gaaray Madaxweynaha maamulka Hirshabeelle mudane Maxamed Cabdi Waare iyo wafdi ballaaran oo uu hoggaaminay.

Madaxweynaha Galmudug mudane Axmed Cabdi Kaariye ayaa garoonka diyaaradaha ku soo dhaweeyey madaxweynaha Hirshabeelle iyo xubnaha la socday oo Dhuusomareeb u tagay ka qeyb galka Shirka wadatashiga Dowladaha Xubnaha ka ah DFS.

Madaxweyne Waare iyo xubnaha la socday ayaana loo galbiyay aqalka Madaxtooyada maamulka Galmudug halkaas uu kula hadlay warbaahinta ugana warbixiyay ujeedka safarkiisa Dhuusomareeb.

Magaalada Dhuusomareeb ayaa sidoo kale la filayaa in saacadaha soo aadan ilaa beri ay gaaraan madaxda kale ee maamul goboleedyada dalka ka jira kuwaa oo ka qeyb galaya shirka beri halkaasi uga furmaya madaxda maamul goboleedyada.